Во натпреварите од Лигата на Шампионите оваа година ќе судат петмина судии, соопшти денес Меѓународната фудбалска федерација (ФИФА).Ова правило, кое беше...

воведено минатата година во натпреварите од Лигата на Европа, и понатаму ќе се применува експериментално, а конечната одлука за тоа дали ќе влезе во правилата на игра ќе биде донесено во 2012 година.

Покрај главниот судија и двајцата помошници покрај аут линијата, уште двајца арбитри ќе стојат на гол аут линијата, а нивната основна задача ќе биде да проценат дали топката ќе ја помине гол линијата, како и да му сигнализираат на главниот судија евентуален прекршок во шеснаесетникот кој тој не можел да го види.

На состанокот не станало збор за евентуалното воведување на видео технологија која би се применувала доколку е спорно дали топката ја помине гол линијата.

Денес е одлучено дека за таа тема ќе се расправа на состанокот кој ќе биде одржан во октомври, но со оглед на фактот дека експериментот со пет судии се прошири и во Лигата на Шампионите, се проценува дека е малку веројатно да ФИФА на тоа би можела да се согласи.